ГА "Беларуская асацыяцыя журналістаў" (БАЖ) - недзяржаўная журналісцкая арганізацыя (дзейнічае з восені 1995 года, ў 1999 г. прайшла дзяржаўную перарэгістрацыю). Галоўныя мэты дзейнасці: абарона правоў журналістаў і прынцыпаў свабоднай і прафесійнай журналістыкі. БАЖ зараз налічвае амаль 1000 сябраў. Сябры БАЖ працуюць у разнастайных перыядычных выданнях, на радыё і тэлебачанні, у выдавецкіх кампаніях. Значная частка сябраў арганізацыі - супрацоўнікі дзяржаўных СМІ. Акрамя цэнтральнага офіса ў Мінску, асацыяцыя мае 6 рэгіянальных філій.